Зуқа батыр Сəбитұлының 150 жылдығына орай, Астана қаласындағы ҚР ҚМ “Əскери-тарихи мұражайында” “Тәуелсіздік жəне Зуқа батыр” атты ғылыми-теориялық конференция өтіп жатыр.
Конференцияға Л.Гумилев атындағы ЕҰУ-дың проректоры, ф.ғ.д. профессор Дихан Қамзабекұлы, ҚР Парламент Сенатының депутаты Абай Тасболат, Дүниежүзі қазақтары қауымдастығының Төралқа төрағасының бірінші орынбасары Талғат Мамашев, Республикалық Ардагерлер кеңесінің төрағасы, т.ғ.д., профессор Өмірзақ Озғанбаев, ф.ғ.д., профессор Ғарифолла Есім, жазушы Жəди Шəкенұлы, т.б зиялы қауым өкілдері арнайы қатысып, еліне қорған болып, азаттық жолында шейіт кеткен Зуқа батырдың өмірі мен өнегесі жайында баяндама жасауда.
Сонымен қатар, конференцияға əлемнің он неше мемлекетінен келген арнайы қонақтармен қатар елордалық ағайындар қатысуда.
Аталмыш іс-шара концерттік бағдарламаға ұласып, батырдың 150 жылдығына арналған шығарма байқауының марапаттау салтанаты өтеді деп жоспарлануда.
©Оразбек Сапархан
