СЕРІК ҚАПШЫҚБАЙҰЛЫ

«Аса ірі жаңашыл ақын» атажұртқа қоныс аударудан бері қарай Секең шабыт, толғамын еркіне жіберіп, поэзиялық жаңартылудың бояуын қанықтыра түсуден шаршамаған абыз ақын 80 жасқа келді.
80 жылдық мерй тойымен құттықтаймыз.
1935 жылы Қытай Халық республикасында туған. 1956 жылы Шыңжаң институтының тіл-әдебиеті факультетін тамамдаған. Еңбек жолын «Шыңжаң оқу-ағарту» журналында бастап, 1957 жылы елде жүргізілген «Іс-тіл дұрыстау» қозғалысында «ұлтшыл» атанып, 1979 жылға дейін қуғын-сүргінге ұшырады. 1984 жылдан бері «Тарбағатай» журналының бас редакторы қызметін атқарды. 1994 жылы ата мекені – Қазақстанға қоныс аударды. Бірнеше жыр жинақтары мен прозалық шығармалардың авторы. 1986 жылы «Жылдар арасында» атты таңдамалы өлеңдер жинағы үшін Қытай Халық Республикасының Мемлекеттік сыйлығы берілген. Республикалық «Балдырған» журналында бөлім редакторы болған, қазір шығармашылық жұмыста.
«Тас», «Жылқы ішінде ала жүр», «Жоқ», «Күншығыс», «Жер басып жүргендер», «Бала» кітаптарының авторы. Қазақстанға келгелі 5 рет халықаралық ақындар мүшәйрасының бас бәйгесін алған. «Қазақстан Тәуелсіздігіне 10 жыл» мерекелік медалімен марапатталған.