Ер Жәнібек Халықаралық қоғамдық қоры белгісінің анықтамасы

Қор белгісінің негізгі сипаттамсы:

1. Қор белгісі киіз үйді төбесінен суреттеген сынды дөңгелек пішінді,  көк, сары, қоңыр, ақ түсті шеңберлерден құралады.
2. Көк түс –  Қазақстан Республикасының мемлекеттік туымен бірдей түс реңкті, «Қазақ Елінен, қазақтар»  дегенді білдіреді.
3. Қор белгісінің сыртқы көк түсті шеңберіндегі мәтіні қазақ тілінде «ЕР ЖӘНІБЕК халықаралық қоғамдық қоры» және ағылшын тілінде «ER JANIBEK International Public Foundation» деп жазылады.
4. Сары түсті екінші шеңберінде  көне түрік жазуында     iRUQ gb iNJ r jrK   «Ер Жәнібек қоры» деп жазылады.
5.  Қоңыр түсті шеңберінде қазақ киіз үйінің шаңырағын,  дүниенің төртбұрышын меңзеген   ақ түсті 4 құстұмсық ою  және көшпелілердің он екі мүшел жыл санаудың символы  ақ түсті 12 қошқар мүйіз ою – киіз үйлер бейнеленген. Осы құмтұмсық пен қошқар мүйіз оюлары бірігіп, Қазақ даласын, Қазақ Елін  жаудан қорғау үшін жан-тәнін аямау керек деген мағынасында  батырлықтың символы «ер-тоқым, найза, садақ, қылыш, қалқан» деген композициялық мәнді  білдіреді.
6. Ақ түсті шеңбер —  қазақтың дархан мінезін, ашық жарқын адалдығын,  ақ пейілділігін және  қазақ киіз үйінің  аспан Тәңірімен тілдесіп тұратын түндігін меңзейді.
7. Қор белгісінің ақкөк түсті дөңгелектің ортасында қазақ халқының негізін құраған іргелі тайпалардың бірі  Ашамай, Абақ, Уақ  Керейлердің  ортақ таңбасы «Ашамай таңбасы» қара түспен бедерленген.  Қара түс – қазақтың қара шаңырағының символы. Осы таңбаның жоғары тұсында көне түріктердің «Бүркіт+Бөрі+Арқар+Жылқы» деген синкретикалық мағынаны білдіретін қазақтардың арғы ата-бабаларының төрелік таңбасы бейнеленген. Бұл  бөрілі байрақтың қазақтардың  ұрпақ сабақтастығы үзілмесін деген ырым-жосындық мәнде берілген.