Сұлтанхан Аққұлұлының «Әлихан Бөкейхан» атты кітабының тұсаукесері өтті.
Жиынға белгілі академик-ғалымдар мен тарихшылар, филологтар және де жас әдебиеттанушылар қатысты. Алаштың ардақты ұлы, бірінші көсемі Әлихан Бөкейханның еңбек жолы мен қайраткерлігін ширек ғасыр зерттеген автордың кітабы үш тілде жазылған.
Есімі Түркия мен Ресейде ардақталып, Астанада жуырда ғана рухына арналып ас берілген тарихи тұлға туралы кітапта С.Аққұлұлының 2009-2016 жылдар аралығында жарық көрген Әлихан Бөкейхан жөніндегі зерттеу материалдары берілген және келешекте Лондон қаласының атақты университеті Окфордта да басылып шықпақ.
Жинақ «Ер Жәнібек» Халықаралық қоғамдық қорының жетекшісі Жеңіс Түркияның бастамасымен жарық көріп отыр. Сәуір айының басында Украина елшілігінің бастамасымен аталған мемлекетте Әлихан Бөкейхан атындағы халықаралық ғылыми конференция өтеді деп күтілуде.
Сондай-ақ, 150 жылдығы ЮНЕСКО көлемінде өтетін ұлт көсемінің өмірі мен қызметіне арналған екі кітап шығару да жоспар да бар. 2015 жылдың қараша айында Парижде өткен ЮНЕСКО-ның 38-сессиясында «әлемдік деңгейдегі шын мәніндегі аса көрнекті қайраткер тұлға» деп мойындалған Әлихан Бөкейханның алғашқы 16-18 томдық толық жинағы, «Алаштың Әлиханы», «Әлихан әлемі» және басқа да кітаптар жарық көрмек.
Фото, материал: Ермұрат Назарұлы
Дереккөз: «Алауинформ»