Кеше Алматы қаласы әкімдігінің ұйымдастыруымен Абай атындағы опера және балет театрында кинорежиссер Ораз Әбішевтің 100 жылдығы аталып өтілді.

Бір туар азаматқа арналған концерттік бағдарлама да ерекше орайластырылған.

Фильм-концертті  Вахид Изимов пен Ольга Спирина жүргізді. Еске алу кешінде  ҚР еңбек сіңірген әртісі Рамазан Стамғазиев, Айгүл Үлкенбаева мен  Болат Әбдильманов,Тахауи Рахметов сынды сахна дүлдүлдері өнер көрсетті. Әлібек Днішев Абайдың «Желсіз түнде жарық ай» әнін орындаса, Толқын Забирова мен Алтынай Жорабаева да өнерпаздар ортасынан табылды.  «Ер Тарғын» операсы әуелеп, «Тұран» деп аталатын этно-фольклорлық  ансамбль  «Ер Тұран» композициясын ұсынды.