Күлтегін құлпытасы – біздің ғұмырлық құндылығымыз. Бұл үлкен тағдырлы жазу. Тарихи сананың негізі көне түрік ескерткіштерінде жатыр. Ондай ескерткіш еш елде жоқ. Сол заманның өзінде мемлекеттікті қозғаған, елдікті дәріптеген тасқа жазылған саяси құжат. Қазіргі біздің де мемлекеттігімізді айқындайтын негізгі құжат. Ешқашан өзгермейтін бізге жеткен бабалардың төл сөзі. “Үстіде көк аспан, астыда қара жер жаралғанда, екеуінің арасында адам баласы жаралған. Адам баласының үстінде Бумын қағандар отырған”,-дейді. Біз қазір осы сөзді айта аламыз ба? Ол кезде Олар айта алған…
Т. Зәкенұлы
